幽媾 - 任剑辉/白雪仙.mp3

[00:00.87](风声，梧桐叶落，烛花吐蓝色大焰。请注意丽娘鬼魂出场前后一切效果)(丽娘掩袖上介小曲倩女魂引子)
[00:03.92]风吹梧桐叶落沙喇喇喇喇喇，
[00:15.72]风吹梧桐叶落沙喇喇喇喇喇。(飘忽三次入场)
[00:47.06](倩女魂) 粉冷香销，泣绛纱，
[01:02.22]风飘飘，魂在望乡台下，
[01:14.09]夜萤萤，墓门开处鬼离家。
[01:39.87]行一步，心惊怕
[01:51.87] (内场大吠声，丽娘惊介) 原来是赚花阴，夜吠萤花
[02:10.11] (介) 倩芭蕉遮掩在荼薇架
[02:21.62] (内场打更声，丽娘惊介) 原来是樵楼鼓，落寒更报月华，休怕，休怕
[02:54.03](介) 待重见窗里冤家, 重续孽缘灯月下
[03:25.93](梦梅愕然白) 月色透罗帏，已是更深时候，
[03:31.00]重有边个呢敲门呢……
[03:33.81]唔，大抵系雨打竹帘风摇铁马 (复睡介)
[03:40.05](丽娘微声叫白) 柳郎开门。
[03:42.65](梦海再愕然坐起介白) 咦，奇叻，分明是有叫门之声。
[03:47.66](介白) 边个。
[03:49.28](丽娘白) 系我。
[03:52.05](梦梅白) 咦，女人声呢噃。
[03:55.34]唔，梗系小道姑送茶问暖
[04:00.88](贴门介白) 韶阳师姐，夜叻，唔驶叻。
[04:04.90](丽娘轻轻顿足介白) 开门来。
[04:07.78](梦梅白) 又系噃，人地一场心事，
[04:14.43]送茶问暖，唔开门又点得呢，
[04:17.47]不如开咗门接过斋菜，立刻打发佢啦。
[04:22.33]唔……点着枝蜡烛先 (宝子点着烛开门三照介)
[04:24.37](丽娘三避介侧身含羞坐下介)
[04:34.80](梦梅白) 唉吔, 唉吔......奇...奇怪啦,
[04:36.83]点解开左度门, 莫讲话人影都冇, 鬼影都冇,
[04:42.12]点解呀, 唉吔, 唔通呢度真....
[04:45.76]喺有鬼嘅, 咪讲笑, 闩番度门, 训觉把喇, 唉吔 .
[04:53.76] (将烛放回桌上重一才见丽娘慢的的惊震欲走避介)
[04:54.81](丽娘细声白) 柳公子。
[04:57.67](梦梅更惊白)呢..位小姐, 我同你素昧生平, 点解你识得我嘅呢。
[05:05.35](丽娘口古) 柳公子，素昧生平，仍可相逢梦里，
[05:12.81]相逢何必问相识呢，我望你珍重良宵剎那；
[05:21.99](梦梅口古) 小姐，到底你驾雨而来，抑或乘风而入
[05:28.51] (惊介白) 你……你几时入嚟㗎，我都唔知嘅，
[05:31.88]真是吓得我，心摇意荡眼昏花。(欲避介)
[05:39.49](丽娘口古) 柳公子，所谓最难风雨故人来，
[05:43.89]不是故人又怎能乘风驾雨，
[05:49.08]你何必问我点样嚟呢，
[05:52.18]我究竟都系嚟佐叻
[05:55.48] (介白) 其实我在你心生绮念嘅时候，已经嚟咗叻……
[06:00.42]唉，公子，你既怕又何必想，既想又何必怕呢；
[06:10.00](梦梅口古) 我，我几时有心生绮念，
[06:13.66]纵使有，不过为客馆寂寥，想念吓画里娇娃唧。
[06:21.08](丽娘一笑掩唇横波一顾即起双星恨宝子逐级下芳苑倚芭蕉树下低头玩弄绛纱介)你落来啦
[06:40.58]（梦梅白）叫我落来？
[06:41.68]（丽娘白）嗯
[06:45.20](梦梅跟住梯畔食住宝子，自言自语介白) 诶呀，本来佢不明来历，我应该要避之则吉的了
[06:52.67]不过你睇下佢, 你睇佢意态撩人,
[06:56.98]斜倚在芭蕉树下, 轻弄绛纱, 真系好容易令人 心...心生绮念
[07:07.37]唔得, 我要问真吓妳至得, 小姐
[07:15.04](唱双星恨) 月里仙降凡尘，佢轻弄绛纱，轻弄绛纱，
[07:28.45]莫非冷烟蔽月华，她雨中竟致迷途，迷途错归家，
[07:42.20](丽娘摇头介接唱) 我寄寓寄寓柳阴下，悲风霜乞片瓦 (黯然介)
[08:01.27](梦梅上前一揖介接唱) 非关有意有意苦追查，夜半芳斋欠奉茶，
[08:14.33]莫借西厢送药茶，借盏秋灯你小心归去罢，
[08:25.83](丽娘摇头介接唱) 叹息命如雾里花，杜丽娘未有家泣孤寡，
[08:37.88](梦海愕然食住序白) 哦，原来你连家都冇㗎，
[08:46.97]世间女子哪有无家之理，
[08:50.60]哦……莫非 (续唱曲) 天仙姐姐，爱我潇洒，
[09:02.79]偷偷降落柳生衙，可惜我一介潦倒嘅寒儒，怕有偏差，(作不敢介)
[09:31.25](丽娘苦笑摇头介白) 你错叻
[09:34.00] (续唱) 既属有梦铸佳话，管不了月夜月夜叩奔君家，
[09:58.50]我慕君风华，爱君风华，盼君泣月下，
[10:12.29]届居柳荫受露雨打，盼蝶来活了解语花，
[10:24.66](梦梅愕然介白) 小姐，你点解会泪随声下呢。
[10:40.30](接唱曲) 佢泣诉多风雅，悲逝水韶华，欲仿效情花再萌芽
[10:56.51] (白) 小姐，你是否文君新寡。
[11:00.61](丽娘续唱，双星恨) 贞花未嫁
[11:11.59] (觉羞介) 独处深闺未嫁 (但唱至此，应步至衣边角树介)
[11:19.16](梦梅接唱) 你是天仙天仙未嫁，亦缘也，福份也
[11:33.57] (欲亲近又不敢介) 想落心中惊怕，心中惊怕，点解会相见蕉树下，
[11:49.37](丽娘一笑接) 君心休怕，君心休怕，
[11:57.27]君不记揖拜仙观下，风吹飞花，有心报与君，
[12:14.07]在佛前为你洒，致令郎拾去我丹青画，
[12:23.75](梦梅尚带惊介白)啊？哦！ 咁到底你从何而来㗎呢……
[12:29.47](丽娘白) 公子，你何苦疑雨疑云惊风怕雨呢……
[12:35.21]丹青画……丹青画……我生于画中，当然系来自画中啦。
[12:40.66](梦梅白) 吓，来自画中，
[12:42.37]莫非你就系画里真真 (急上小楼取真容复下向丽娘三对狂喜介)
[12:44.92]（丽娘白）你睇真吓？
[12:45.98]（梦梅白）我对真吓
[12:48.42]（丽娘白）是不是啊？
[12:51.76]（梦梅白）真系哦！
[12:56.14](丽娘笑介续唱双星恨) 真与假？
[13:00.49](梦梅接) 确未有差，(挂画于楼前介)
[13:02.08](丽娘接) 只系腰瘦减，
[13:03.77](梦梅接) 一般貌似花，丹青仙姿两潇洒，
[13:09.19](丽娘接) 被冷烟冷烟盖玉颜，销毁了铅华骤降丹青价。
[13:17.54](梦梅情狂接) 鸳鸳帐内同梦去，(拥丽娘介)
[13:20.87](丽娘羞介闪开接) 又怕冰肌冻着了郎又怕，
[13:24.45](梦梅接) 唔怕，唔怕 (一才收)(打二更介)
[13:26.88](丽娘更羞接) 又怕，又怕，二更断续了两三下，
[13:32.65](梦梅拖丽娘绛纱介接) 怕月照香衾，且闭窗莫理他 (欲拖丽娘上小楼介)
[13:41.26](丽娘慢的的百感牵怀，微微摇头饮泣介白) 相公……柳郎……公子
[13:57.48](乙反木鱼) 唉，未闭西窗容我讲句伤情话；
[14:07.34]宋玉应怜薄命花。决不是秋风秋雨催人嫁；
[14:23.44]应解花有根原玉有芽。(泣不成声掩面介)
[14:33.64](梦梅白) 小姐，我知你系一点冰清，不是乱红衰柳嘅，
[14:39.49]咁到底小姐你……
[14:41.38](丽娘续唱) 呀，丽娘亦有千金价；系出黄堂太守家。
[14:54.16]劫余尚记爹娘话；
[15:00.83](啾咽介) 佢话我系昆山良璧玉无瑕。
[15:15.66](泣不成声唱秃头花) 只为惊梦游园，空累爹娘挂；(慢的的回忆爹娘逐渐悲口古介)
[15:30.67](梦梅食住慢的的感悟介白) 惊梦游园……游园惊梦……哦
[15:37.78] (中板下句) 一句惊梦游园，一段丹青画恋，根深蒂固早连芽。
[15:58.87]当日在柳川，曾梦会一佳人，小立在梅花树下；
[16:15.59]招手问姻缘，梦醒难再续，梦梅两字为记情花。
[16:31.76]灯下看丹青，执手问嫦娥，嗟莫是梦中人也；(一才收)
[16:49.12](丽娘食住一才向梅点首而泣介)系
[16:49.64](梦梅亦相对饮泣介续唱) 诶呀，卿果是梦中人，我是黄梁客，
[16:59.80]小楼是引渡嘅仙槎。
[17:08.02]倩丹青作良媒，虽未有十斛量珠，望他日文章有价；
[17:24.50]不在梅边在柳边。若许梦梅能折柳，做个蟾宫客耀才华。
[17:43.10](花) 我带着一表寒酸，两袖清贫，拜上黄堂谈婚嫁；
[17:54.30](丽娘为难介又微微摇头介花下句) 慢……你休向堂前求父母呀 (一才)
[18:13.25](梦梅白) 哦，莫非宰阁嫌贫。
[18:16.69](丽娘摇头续唱) 唔系，我恐触亲心泪如麻。
[18:28.95](梦梅白) 咁梗系太守堂中，不容一个白衣女婿哩。
[18:39.01](丽娘摇头介续唱花上句) 唔系，冷香闺，三载悄无人，(介)
[18:46.47](梦梅白) 小姑居处梗系悄无人啦。
[18:50.47](丽娘难于解答，凄然轻轻顿足介续唱花半句) 唉，剩牙床蛛网尘封残月下；(向梅摇手表示勿去介)
[19:02.28](梦梅叹息介花下句) 唉呀！哦！重估话花径不曾缘客扫，待郎采折武陵花。
[19:17.54]花是有情花，嗟我未成名终是假；(过位小立芭蕉之前垂手无语介)
[19:27.79](丽娘心不忍叫白) 诶呀，柳郎，柳郎。你误会我啰，我唔系咁嘅意思嘅，唉
[19:36.77](起排子头白头吟引子)
[19:36.89](丽娘含情如怨如慕，如泣如诉，轻轻走埋牵梦梅衣袖，复开台口的的起小曲白头吟)
[19:37.25]痴心经已赠君，休要弄碎情芽，
[19:45.41]丽娘心千般痛呀，请对奴笑番吓，
[20:00.03](梦梅向丽娘破啼一笑介)
[20:00.89]（丽娘白）柳郎, 我要你笑. 乜笑得咁肉酸嘅唧,
[20:05.50]我同你有生死之情, 梗愿订生死之约嘅.
[20:12.32] (唱曲)唉，嗟我冰雪身已经硬化啰，似易散嘅云霞，
[20:28.57]不堪提往事，真难言说话，
[20:42.28]呀，借灯谜，我愿君呀你权度吓，
[20:53.03](指秋灯食住序白) 咁啦, 不如我打个灯谜你猜下好吗, 嗱你听住吓，
[21:00.67]灯已灭，缘已绝，待等君来临绣穴，如今仍是半明灭
[21:11.69]你谂吓. 你明唔明白？
[21:16.06](梦梅懵然摇头介)我...我唔明白
[21:17.66](丽娘续白)你谂真下啦, 唉, 点解你个人咁聪明,
[21:24.14]而家忽然会咁蠢嘅呢, 唉.
[21:29.69](续唱白头吟) 妾长眠柳荫，盖面凭绛纱，
[21:44.32]在默林夜听秋雨，任由她飘飘向墓洒，
[22:00.74]一丘冷土是我家，风吹雨打 (宝子回头玩)
[22:11.79](白) 柳郎, 咁你明白未唧
[22:16.21]（梦梅白）我真系唔明白呀
[22:18.31]（丽娘白）本来我同你情意正浓, 我都唔想讲你听嘅,
[22:23.78]但我而家讲到咁明, 乜你都重未明白咩
[22:29.86](梦梅白) 什么秋灯，什么夜雨，都尽是闺门伤春之句……咁我又猜下啦
[22:38.82](一路踱一路念白) 灯已灭，缘已绝…… (介)
[22:47.10](最良拈灯食住宝子上偷听介白) 书斋都灯已灭, 何以对楼情未绝呢？
[22:52.85]历历莺声残楼月，哼，你慌唔喺果个坏鬼书生发寒热咩,
[23:01.67]如果唔系呢，就梗系收埋个小道姑喺里面谈风月定啦,
[23:09.28]好, 等我阅你一阅, 若果真有其说, 你都几难走脱,
[23:16.04]开门…开门 (一摇三摆上楼敲门食住三才)
[23:22.86](梦梅食住三才白) 边个？
[23:24.03](最良白) 系我，送茶。
[23:27.41](丽娘台口自言自语介白) 哦...我认得啦...系我地陈老师嘅声音嚟嘅。
[23:30.65](梦梅大惊执丽娘口古)弊啦...弊啦...丽娘，你是太守千金，我系秀才落拓，
[23:37.50]两人都顾体面，倘若泄漏春光，岂不是惹人笑骂；
[23:44.46](丽娘笑介口古) 你咪咁傻啦，你睇下冷月照人，秋灯放亮，无路可逃，我避无可避
[23:51.59]你不如就索性去开咗度门啦。
[23:57.56](梦梅更茅介口古) 唉吔, 开门喎, 得了嘅咩, 男女授授不亲，何况斗室幽欢，甚于瓜田李下；
[24:06.27](丽娘忍笑不唆介口古) 唔怕哩，柳郎，
[24:09.96]自古话，有缘千里能相会，无缘对面不相逢，
[24:13.69]我见佢，佢唔见我嘅(示意开门介)
[24:17.05](梦梅半信半疑介白) 点解佢唔见你呀
[24:18.88](丽娘白）系...睇吓...佢苍苍白发喇噃, 梗喺老眼昏花啦嘛，去啦...
[24:26.43](梦梅白）妳哩埋先.
[24:27.83](丽娘白）得啦, 我会嘅哩.
[24:29.50](梦梅白）妳哩埋先, 嚟啦..嚟啦.
[24:30.96](最良白）喂，开唔开, 唔开, 我撞门而嚟过噃.
[24:34.98](梦梅白）哦, 嚟, 开紧啦...开紧啦.
[24:36.51](最良白）紧..紧, 开紧.
[24:38.50](梦梅白）老师也你仲未呌呀, 咁夜呌啦, 你呌啦.
[24:43.84](最良白）哼, 干得好事呀...做得好事.
[24:47.01](丽娘白）嘻嘻...嘻嘻...
[24:48.19](最良白）做咩呀...做咩呀, 边个笑.
[24:53.88](梦梅白）咪我笑啰, 嘻嘻...嘻嘻...
[24:56.82](最良白）唔系...唔系你笑得咁肉酸嘅，头先宁宁舍舍笑得好好听嘅,
[25:02.78]响下便嚟嘅, 响下便嚟, 等我落去睇吓.
[25:07.11](梦梅白）冇人呀......
[25:10.48](最良白）乜嘢冇人呀, 我要照..照一照至得, 照一照咋, 喂..你只手做乜嘢, 做乜嘢,
[25:21.05](梦梅白）呀, 无..嘢我...
[25:22.27](最良白）你只手做乜嘢,揖揖扬扬.
[25:24.85](梦梅白）我只手有啲鸡爪风呀.
[25:26.93](最良白）吓, 鸡爪风, 我睇你啲麻雀风就真啦,
[25:31.50] 岂有此理, 喂, 喂, 喂, 开嚟, 开嚟 开嚟,
[25:39.63]我睇你呀, 唔系有多少神经病,
[25:44.27]你都梗系故弄玄虚, 想遮瞒我定啦,
[25:47.80]喂, 喂, 喂, 我明明听见间房里头有历历莺声,
[25:53.02]哼..哼..我睇你梗系收埋个小道姑喺西窗共话哩.
[25:58.50](梦梅口古) 哦, 老师, 你千祈唔好咁讲呀,
[26:00.66]小道姑系一个出家人, 持斋拜礼.
[26:04.22] 你读书人, 你唔好玷辱了百练袈娑呀.
[26:08.83](丽娘食住此介口扫落花盈握，轻盈埋洒于最良面前，又轻盈走开介)(舞蹈式)
[26:09.94](最良左顾右望，不见有人介)
[26:10.33](梦梅又向丽娘做手关目怨其太冒险介)
[26:10.85](最良喝白)百练袈娑...哗...咦.奇啦, 点解呢？
[26:16.66]喂, 点解有啲花落到我成面成头都喺嘅呢, 咦...奇啦,
[26:24.40](介口古) 谂谂下我身前又冇花，身后又冇花，
[26:28.43]点解有花从我头嘅顶一片片咁飞落嚟呢……
[26:31.17]唔……呢间唔系狐舍，就系鬼墟，想落都有些可怕；
[26:36.56](梦梅口古) 老师，呢间系南楼，唔系孤舍，芳苑唔系鬼墟，
[26:44.27]系你老人家疑心生暗鬼，边度有事干得，
[26:49.39]番去早的抖啦，何必枉作搜查。
[26:52.96](最良笑介白)唓, 你慌我怕鬼咩, 我几十岁唔怕鬼嘅
[26:58.55](花下句) 老儒生怀中藏古玉
[27:06.51] (一才) 批夜卷，掌上有朱砂。
[27:11.80](丽娘闻言惊慌闪在梅后边介)
[27:13.93](最良唱花) 照一照芭蕉树，闪一闪映泉灯，
[27:20.99]忙忙解玉灯头挂；(解玉挂于灯后，欲向蕉树照介)
[27:25.35](梦梅以身拦丽娘三阻介锣边风起，丽娘避入画旁卸下即起清烟一缕介)
[27:27.41](最良口古) 行开, 行开, 行开, 等我照吓, 行开我照埋个便
[27:30.73] 我仲要照照哩便, 咦...唉吔, 喂...喂，秀才嚟...嚟，
[27:47.83]我明明见到一个影子闪在你身后,
[27:52.41]呀, 点知我一照, 佢就好似化作一缕烟咁,
[27:57.24]咦, 好似入咗幅丹青画里便,
[28:00.76](着力一点介白) 呀, 喂，呢一幅到底乜野画嚟呀
[28:04.90](梦梅惊魂未定坐于石鼓上喘息介口古) 吓, 点解忽然间唔见左佢呢吓,
[28:07.89]老师, 我而家实在都神昏智乱,
[28:12.75] 你...你自己埋去睇..睇真下啦.
[28:16.40](最良喃喃自语白) 梗睇啦, 吓, 奇啦, 明明系有一影子缩咗入画嚟嘅，
[28:24.70]点解又唔见呢喂,
[28:26.06]唉吔, 唔通古画成精, 咦,
[28:29.75]唉吔, 睇真吓呢个....唉吔..阴公啦..
[28:36.45](埋看重一才慢的的由啾咽转大哭介)
[28:37.05](梦梅愕然白) 咦，老师，点解你见到幅画会喊呢？
[28:42.20](最良唱乙反木鱼) 老泪纵横声凄哑；丹青画的是丽春花。
[28:53.75]立雪程门真声价；累得我饭后寻思午响茶。
[29:03.36]丽娘对我情非假；教我如何不想她。
[29:10.75]你几时偷入灵台下；盗取描容挂在衙。
[29:22.23](托宝子怒白) 柳梦梅, 我以为你系一个寒酸嘅秀才,
[29:28.44]点不知你系一个脂粉客,
[29:31.23]你千唔该, 万唔该盗取小姐遗容, 挂在疏帘自赏,
[29:37.75]喂, 你盗得遗容, 自然会勾三搭四
[29:41.63](介白) 正话我明明听见有女子之声，
[29:45.65]缘何不见女子之面，
[29:47.64]唔驶审，你都系收埋个小道姑 (一才)
[29:51.17](石道姑引韶阳女闻嘈声食住宝子上介)
[29:51.66](梦梅食住一才摇手作否认介)冇呢
[29:52.38](最良迫前一步怒介白) 冇呀, 我明啦, 小道姑梗系啦,
[29:56.00]佢又生得青靓又白净. 今日日间在梅花观,
[30:00.32]你经已同佢眉来眼去
[30:02.56](催紧白) 梦梅，限你半个时辰，将小道姑从楼内交出，
[30:08.45]否则拉你去道录司衙，问你一个秽乱庵堂，勾搭道姑之罪 (作状欲拉介)
[30:15.01](石道姑韶阳女食住此介口推门而入下楼介)
[30:16.02](最良见女等从外入瞠目哑口介)
[30:17.04](石道姑口古) 陈老师到底柳秀才有乜嘢事犯亲你，
[30:25.40]令到你夜扣南楼连宵闹骂；
[30:29.97](最良吶吶不答介)
[30:30.46](韶阳女口古) 陈斋长, 我方才系小楼之外,
[30:33.09]听见你右一句小道姑, 左一句小道姑,
[30:40.07] 到底小尼姑有乜野同你过唔去呀, 你点解侮辱了清白人家
[30:49.00](梦梅白）系咪呀, 系咪呀
[30:50.49](最良白）你咪加咀住.
[30:51.25](最良口古) 亚石姑, 唉吔, 妳睇吓妳个样,
[30:54.55]妳真系石姑啰, 妳睇吓妳成旧石咁,
[30:58.10]唉今晚呢件事, 非同小可,
[31:01.91]我适间明明听见南楼之内, 细语遇遇, 莺声历历,
[31:06.66]到底呢个小道姑呀系房内而出, 就系房外而入呀,
[31:12.79]你话晒上咗年纪嘅人, 应该讲番句老实话呀.
[31:17.33](韶阳女暗啐羞介)
[31:18.15](石道姑正容口古) 老冬烘，由黄昏起，小道姑就陪我在经堂敲诵，
[31:24.97]一直到而家至陪我入嚟，未曾离开我半步，
[31:30.04]你分明无风作浪，遇事喧哗。(拂袖介)
[31:34.68](梦梅白) 老师，咁你明白啦。你冤枉人
[31:38.00](最良白) 咪嘈... 哈...奇啦,(过位执石姑白) 芳苑无人，莫不是楼中有鬼……
[31:44.53](口古)唔系...唔系, 假如我有冤枉佢, 我就甘受雷劈天打,
[31:51.40] 嗱石姑, 除咗你呀...你两只道姑之外,
[31:57.89]太守衙内何处更有娇娃呢,
[32:01.99]旧时阵都仲话有...仲有个杜丽娘小姐呀,
[32:07.51]可惜佢都死咗三年长. (一才)
[32:09.96](梦梅食住一才由石鼓跌落地惊介)哎吔
[32:11.00](韶阳女对梦梅本有爱心，乘机走埋扶起梅介)
[32:11.56](最良续口古) 三尺桐棺都怕已随风物化,
[32:14.70]你惊呀呢...惊啦,
[32:17.17]芳苑都更无红粉在, 莫非天女无端夜散花咩,
[32:25.56](石道姑白) 秀才你唔驶惊慌，
[32:31.71]陈斋长, 冇谓多事啦, 咁夜搔扰人哋清雅唔好呀,
[32:38.75]求其事干过得去就了啰, 休息下罢啦.
[32:44.10](韶阳女乘机白) 秀才, 睇下你呀, 慌到手腾脚震做乜野呢.
[32:49.75](石道姑回身白) 小道姑, 明日就系杜小姐三年忌日,
[32:54.32] 应该在佢坟前化些纸帛, 你同我入去早为打点把啦,
[33:01.84]亚秀才, 你休息下,
[33:03.82]陈斋长, 唔好多事啦, 返去书斋啦.
[33:07.99](韶阳女连随上楼与石道姑最良同下介)
[33:08.59](最良白）岂有此你, 你快的交出嚟呀, 唔交出嚟, 我梗拉你上道录司衙嘅, 你记住嚟. ..
[33:15.83](梦梅颓然坐下唱沉花下句) 唉吔吔，
[33:23.34]说甚么丹青配，只不过霎眼烟霞。